مرتضي منصور لتامر عبد الحميد ”انت حاقد وهعلمك الأدب عباس دفعلك كام”
كشف الكابتن تامر عبد الحميد المحلل الرياضي، سب المستشار مرتضى منصور له وتوجيه اتهامات بالرشوة، من خلال رسائل عن طريق تطبيق التواصل الإجتماعي “واتس آب”.
وقال مرتضى منصور في رسالته لتامر، “انت زملكاوي!!!، الأهلي خد الدوري بالاستقرار ولا بالحكام ومين ضغط على مين يا افندي هو مش جروس قعد لغاية نهاية عقدة هو يعني لو جنش ما اتعورش كان الزمالك اتعادل مع الجونة ولا اتغلب من الأهلي بأخطاء قاتلة من حراس المرمى وانت مش واخد بالك أن بو طيب المهاجم الأساسي مصاب بقاله شهرين وكهربا جناح هرب يا أخي اتقي ربنا وبطل غل ويا افندي اللي عمل القايمة قبل ما يمشي خالد جلال هجاص”.
ورد عليه الكابتن تامر، “مساء الخير يا سيادة المستشار حضرتك عامل شغل جامد جدا على مستوى الصفقات كل سنه أحسن لاعيبه بتيجي نادي الزمالك إنما حضرتك بتجيب لعيبه كويسة وخلاص النادي هيستفيد منهم فنيا إزاي طبعا ما تعرفش وقلنا ان كتر تغيير اللاعيبه يضر بالفريق زي ما كل شوية هتجيب متور جديد لعربيتك فعمرها ما هتمشي، كتر تغيير المدربين لأنهم ما بيعملوش اللي أنت عاوزه بيبوظ برده الشغل الجامد المعمول شخصيتك أقوى من كل اللي حواليك ما حدش يقدر يعارضك لأن الكل مستفيد ودي مشكلة عندك لازم تلاقي لها حل علشان تاخد الرأي الصحيح اللي يفيدك … إدارة فريق كرة القدم حضرتك يا افندم خبراتك فيها قليلة جدا ممكن تضحك على الناس كالعادة بتصريحاتك وقلبك للأمور والأوراق إنما حضرتك عارف من جواك أنك مش عارف تدير كرة قدم عارف ليه؟ لأ لإنك بتدير فريق الكرة لمجد شخصي لتاريخك أنت علشان يتقال مرتضى منصور مش الزمالك“.
وأضاف : “نادي الزمالك بالمجهود الجبار المبذول والفلوس المصروفة فيه لازم يبقى في حته تانية خالص حرام عليك كده وربنا يرضاش بكده…. وده الكلام اللي يرضي الله وفيه اتقاء لله”.
وأكمل مرتضى منصور: “أنت عيل قليل الأدب أنت مالك هايج ليه يلا كده ورحمة أمي يا حاقد لاعلمك الأدب يا قبيض عباس دفعلك كام عشان تقل أدبك”.
جدير بالذكر أن مرتضي منصور رئيس نادي الزمالك كان قد أعلن من قبل إن تليفونه قد تعرض للهكر، ويكتشف بإرسال رسائل للأشخاص بها سب وقذف وهجوم عليهم وأنه تقدم ببلاغ ولن يترك هؤلاء الأشخاص.
