الرأي العام
رئيس مجلس الإدارةد. تامر قبودانرئيس التحريرخالد طاحونمدير التحريريوسف قبودانرئيس مجلس الإدارةد. تامر قبودانرئيس التحريرخالد طاحونمدير التحريريوسف قبودان
موعد مباراة الأهلي والاتحاد السكندري في الدوري المصري 2024.. المارد...مفاجأة عن الحالة الصحية للطيار المصري قبل وفاته، والشركة تبرر...تعليم النواب تناقش تعديلات على قانون تنظيم الجامعاتأوكرانيا: ارتفاع قتلى الجيش الروسى لـ527 ألفا و390 جنديا منذ...كريستال بالاس يحدد طلباته لبيع مدافعه الدولي الى ليفربولكونجرس الفلبين يجري تحقيقا عاجلا في حملة أمريكية مضادة للقاحات...عدوان أمريكي بريطاني جديد على الحديدة وجزيرة كمران باليمنأزمة بين عبد الواحد السيد ولاعبي الزمالك بعد الخسارة من...السيطرة على حريق داخل مخزن للدهانات في الجيزةالبورصة في انتظار الحكومة الجديدة.. خبراء: سوق المال عانى من...عاجل.. اعتقالات وإصابات خلال إخلاء متظاهرين من أمام منزل نتنياهونوستالجيا 80/ 90، عرض كامل العدد على مسرح السامر ثاني...
حوادث

عشيق زوجة بدر الخائنة: خلصت عليه عشان فاطمة تورث وناخد الفلوس ونتجوز

جريمة ـ أرشيفية
جريمة ـ أرشيفية

كشفت التحقيقات عن تفاصيل جريمة مقتل شخص بمدينة بدر محافظة القاهرة، ، والمتهم فيها سيدة وعشيقها، بإنهاء حياة زوجها وتقطيعه داخل 11 كيسا، من أجل الخلاص منه ليخلوا لهما الجو، ولم يكتفيا بما ارتكباه بل مارسا الجنس بجوار جثمان المجني عليه ياسر، زوج المتهمة الأولى فاطمة، وابن خالة المتهم الثاني سيد.

اعترافات المتهمة بقتل زوجها بمساعدة عشقيها في بدر

ويواصل الرأى العام نشر التحقيقات في جريمة بدر، والتي قال فيها عشيق الزوجة: فاطمة كلمتني واتفقنا إننا نموت ياسر ونخلص منه، وقولتها هاتي منوم وقولتها على اسم المنوم عشان تجيبه من الصيدلية وتحطه لـ ياسر في الأكل، وفعلا جابته وحطت لـ ياسر حبتين أو تلاتة، وكلمتني في التليفون وقالتلي إنها حطت المنوم لـ ياسر وهو نام وتعالى، وفعلا روحتلها عصر يوم الجريمة، دخلت الشقة بتاعة ياسر وهي فتحتلي الباب، ودخلت لقيت ياسر نايم في الأوضة بتاعته، وأنا قولتلها هنخلص من ياسر، لقيتها بتقولي لازم تخلص منه النهاردة عشان لو ماخلصتش النهاردة، هسيبك أنت وهو وههرب.

وجاءت نص التحقيقات مع المتهمة كالتالي:-

س: ما صلتك بالهاتف المحمول وكذا إيصال السحب السابق عرضهم عليكي؟
ج/ التلفون ده بتاعي وإيصال السحب ده أنا كنت سحباهم بعد ما سيد قتل ياسر بيوم عشان سيد كان عوزهم.

س: وما صلتك بالأحراز السابق عرضها عليكي؟
ج/ السكاكين والعصايا دي مش هما اللي سيد استخدمهم في الواقعة.

س: وما هي أوصاف تلك الأدوات المستخدمة في قتل المجني عليه؟
ج/ هي سكينة مطبخ بأيد خشب كبيرة شوية والعصايا معرفش شكلها أيه.

س: وكيف تخلصتما من تلك الأدوات المستخدمة في قتل المجني عليه؟
ج/ السكينة سيد خدها وحطها على البوتاجاز على النار عشان ميبنش حاجة عليها وأنا حتطها في كيس زبالة البيت ورمتها في صندوق الزبالة تحت البيت والعصايا معرفش هي فين.

س: وهل شاهدتي ثمة أثار دماء للمجني عليه بمحل الواقعة؟
ج/ أيوه أنا شوفت دم على البطانية اللي هو كان ملفوف بيها وشوفت دم في أرض الحمام اللي كان سيد خلص التقطيع وكان بينقل الأكياس في أوضة النوم.

س: وما هي كيفية تخلصكم من آثار الدماء الموجودة بمحل الواقعة؟
ج/ هو سيد أخد المَساحة اللي كانت في الحمام والفرشة بتاعت الأرضية وأنا جبتله كلور يستخدمه عشان ينطف بيه الأرض.

س: ومن أين حصلتي على تلك المادة المنظفة؟
ج/ أنا جبتها من واحد كان بيلف في الشارع وبيبع صابون سائل.

س: وبكم تقد تلك المنظفات؟
ج/ أنا أشترتها بـ 20 جنيه.

س: وهل تولدت ثمة رائحة كريهة في خلال مدة التخلص من أجزاء المجني عليه؟
ج/ أيوه كان في ريحة للدم للجثة بتاعت جوزي.

س: وما كيفية تخلصكم من تلك الرائحة؟
ج/ انا نزلت اشتريت بخور من محل موجود في سنتر عند بشندي بـ20 عشان نتخلص من الريحة.

س: وهل قمتي بإبلاغ أحد من أهلية المجني عليه باختفاء المجني عليه؟
ج/ أيوه كلمت ابن عمه طارق وقولتله أن ياسر مختفي بقالة نحو 3 أيام ومعرفش هو فين وقالي إزاي متقلناش ده كله ولازم تبلغي الحكومة وقالي هيجبلي وقالي هبعتلك محمود السواق.

س: وما هي بيانات المدعو طارق تحديدا ؟
ج/ معرفش أن اسمه طارق محمد الصادق وهو ابن عم جوزي وهو المقاول اللي كان شغال مع جوزي الأول.

، وعلى جانب آخر، جاءت أقوال المتهم عشيق الزوجة خلال التحقيقات كالتالي:

س: ما قصدك من ارتكاب تلك الواقعة؟
ج/ فتشوني ومالقوش معايا غير تلفوني وخدوني على قسم مدينة بدر وقالولي لازم تقول الحقيقة عشان فاطمة اعترفت عليك وحكتلهم كل اللي حصل.

س: وما هو الدافع وراء تلك الإصرار من قتل المجني عليه؟
ج/ لأن هي قالتلي أنت لازم تتخلص منه عشان نفضل مع بعض، وعشان مفيش وريث له غير فاطمة وتاخد الفلوس بتاعته ونتجوز أنا وهي.

س: وهل قمت بتقطيع المجني عليه عقب قتله؟
ج/ أيوه إحنا الاثنين اتفقنا أننا نقطعه ونرميه في الزبالة وقولتلها روحي هاتي أكياس وهاتي سكينة وجابت الأكياس والسكينة وختهم منها وشلناه أنا وفاطمة ودخلناه على الحمام وأنا قولتلها اطلعي أنتي برا الحمام وقولتلها هاتي المخدة والقطن اللي عليه الدم وجبتهملي ودخلت بيهم الحمام ومسكت السكينة وقطعت راسه من جسمه وقطعت أيديه الاثنين وقطعت رجليه الاثنين كل رجل على قطعتين وكل قطعة كنت بحطها في أكياس وهي كانت تاخدهم وتدخل الأوضة تحطهم فيها ونزلنا أنا وهي الأكياس دي وكنا بنرميها في صندوق الزبالة جنب البيت على مدار ثلاث أيام.

س: وهل أقمتم علاقة أثمة حينها؟
ج/ أيوه بعد ما رمينا الأكياس اللي فيها جثمان ياسر في صناديق الزبالة اللي جنب البيت طلعنا الشقة تاني ودخلنا مع بعض وعملنا علاقة مع بعض.

جريمة بدرر إنهاء حياة زوجها قتل شخص في بدر جريمة زوجية الحوادث

حوادث