نشرت إحدى الصفحات على موقع التواصل الاجتماعي "فيس بوك" وتنتحل شخصية الفنان محمد ممدوح رسالة رومانسية مسروقة من إحدى الصفحات الشخصية لأحد رواد موقع التواصل الاجتماعي "فيس بوك"، لزوجته احتفالاً بعيد زواجهما الرابع.

ونشرت الصفحة تفاصيل اجتماعية تجمع بين محمد ممدوح وزوجته "وهي في الواقع مسروقة من صفحة شخصية لرواد موقع التواصل الاجتماعي فيس بوك وتم نشرها منذ عام".

ونشرت الصفحة صورة للفنان محمد ممدوح بصحبة زوجته وعلقت الصفحة عليها قائلة:" - أشهر  و أتم 4 سنة جواز ..  شغل، سفر، ارهاق، حياة شايف اني كافحت فيها كتير .. عمري ما جيت ع زوجتي، بشهادة كل اللي يعرفوني ومقربين مني جدًا وهيشوفوا البوست ده ومنهم اهل زوجتي وأهلي وأصدقائي المقربين اللي بيدخلوا بيتي.. 

- مفيش خلاف نشأ بينا إلَّا وكنت الساعي والبادي بالصلح، مفيش مرة زارت بيت أهلها إلّا وكنت وياها، مفيش مرة زارت طبيب بدوني، مفيش مرة حدث في أهلها شيء إلا وكنت أول الحاضرين وآخر المغادرين .. مفيش مطعم دخلته مع اصحابي إلّا وصورتلها المنيو وإحنا قاعدين تطلب اللي تشتهية ومرجعش البيت الا بيه. وبعد أيام نزور نفس المطعم سوا.

- ليّ أصحاب وبعض من المقربين شايفين إن ده دلع ماسخ .. مُحن فاضي .. و إن مراتي شديدة علي واني جوز الست مع إن اغلب اللي بيتريقوا بيوتهم وعلاقاتهم خربانه او ومنفصلين... كل ده ميخصنيش لا هما اولياء الله الصالحين ولا من المبشرين بالجنة والاولى بيهم يبصوا ع بيوتهم اللي خربانه.

- مُش هقول اني اتعلمت ده من نفسي وانسب الفضل ليّ، انما انا شوفت جدي بيعمل كده، كان بيأكل جدتي بأيده رغم انها كانت عفية وهو اللي كان واهن بالمرض، شوفت والدي ييجي شايل طلبات البيت لكن في شنطة صُغننة كده خاصة بالست الوالدة، مقدسة مبيجيش من غيرها، فيها حاجة حلوة ليها هي بس، كان بيقول مرة بعد مرة إن أفضل طعام للست ميجيش الَّا من ايد زوجها.

#الخلاصة : يقولوا جوز الست، يقولوا دلدول، يقولوا شديدة عليه ميخصنيش .. هقول ان فعلا الراجل الحنين رزق، الراجل اللي بيفضل اهل بيته ع نفسه شهم .. وهقول كمان إنُه سيدنا علي بن ابي طالب بعد زواجه من السيدة فاطمة بنت رسول الله (ص) قال : أحببتها حبًا عظيمًا، فوالله ما ناديتها يومًا يا فاطمة ولكن كنت أقول يا بنت رسول الله، وما رأيتها يومًا إلا وذهب الهم الذي كان في قلبي وأبتسمت في وجهها، ووالله ما أغضبتها قط، ولا أبكيتها قط، ولا أغضبتني يومًا ولا أذتني يومًا ووالله ووالله ما رأيتها يومًا إلا وقبلت يدها.  وما أكلت من طعام إلا وتذكرتها وعملت على اطعامها منه. 

- خيركم خيركم لأهله وأنا خيركم لاهلى. الرسول مُحمَّد ﷺ".

من جانبها علقت إحدى متابعات الصفحة المزيفة على المنشور قائلة إن هذه الصفحة ليست الصفحة الحقيقية للفنان محمد ممدوح كما أن مضمون هذه الرسالة كان منذ 2018 على إحدى الصفحات الشخصية لرواد «فيسبوك»، وأشارت للصفحة الحقيقية والوحيدة للفنان محمد ممدوح والتي تضم ملايين المتابعين.