الرأي العام
رئيس مجلس الإدارةد. تامر قبودانرئيس التحريرخالد طاحونمدير التحريرايمان حسينرئيس مجلس الإدارةد. تامر قبودانرئيس التحريرخالد طاحونمدير التحريرايمان حسين
الرأي العام تكشف مذكرة للرقابة الإدارية عن استغلال زوجة محافظ...الرأي العام تنفرد بننشر أسباب اقالة هشام عز العرب من...وداعا” الفنان محمود ياسين ”فتي الشاشة الأول ”فرنسا تكشف عن مكان اختفاء ثروة القذافي.. تفاصيلالحظر الجزئى يقترب.. الكويت تسجل 548 إصابة جديدة بفيروس كورونا...قفزة جديدة .. سلطنة عمان تسجل أكثر من 1700 إصابة...انتقاد لاذع من حزب العمال البريطاني لـ جونسون بسبب أزمة...لبنان.. إجراءات جديدة للحد من تفشي كورونا بعد زيادة الإصاباتهشة جدا.. البابا فرنسيس يعلق على إعلان الهدنة بين أرمينيا...مجلة شهيرة تكشف جريمة أردوغان الكبرى بحق مصرداود أوغلو: أردوغان أكبر مصيبة حلت على تركيارقم قياسي جديد لإصابات كورونا اليومية في الأردن
مقالات

الدكتور مجدي يعقوب جراح القلب الكبير يكتب: ١٠ اساطير سقطت عند أقدام كورونا .

الرأي العام

كتب الدكتور مجدي يعقوب جراح القلب الكبير يكتب ان هناك ١٠ اساطير سقطت عند أقدام كورونا وهى :

١-سقطت اسطورة الفلوس قدام الفيروس .. اكتشفنا انها عاجزة أمامه و هو متناهي في الصغر .. و الفلوس ما بقتش بتعمل السعادة و الحماية ، و تساوي الغني و الفقير ، و تبخرت نصف ثروات العالم في شهور بحثا عن علاج أو حماية..

٢-سقطت اسطورة الاغنياء و العظماء .. كله تساوي ، ما بقاش فيه VIP ، و لا سعادتك أو جنابك أو فخامتك.. كله بقي من غير حماية و لا جاه أو سلطة أو عزوة ..

٣-سقطت اسطورة "انا مهم" .. اهميتك راحت، و تحكمك و سلطانك ما بقي لوش اي داعي .. و بقيت قاعد في البيت مستخبي ورا ماسك و جوانتي ، و ما بقاش حد بيدور لا عليك و لا علي الحبتين بتوعك من مظهرية و أهمية فارغة ..

٤-سقطت اسطورة الملكية .. ما بقاش فيه معني للي عندك و انت عارف ان اللي عندك لا بقي نافعك و لا ساترك..

٥-سقطت اسطورة العمر.. بقي الموت اللي ما كنش علي بالنا ، اقرب لينا من انفاسنا.. و بعد ما كنا بنحتفل بالعمر ، بقت السما علي بالنا كل يوم و احنا بنحسب لها ألف حساب..

٦-سقطت اسطورة "الخناقات " .. بنتخانق مع مين و علي ايه و ليه و ازاي ؟؟ لما اكتشفنا أن خلافاتنا علي شوية أيام جريت مننا ، و ضيعنا العمر في الكراهية و الغل و الظلم ..

٧-سقطت اسطورة "بكرة " .. الاتنين بقي زي التلات و الاربع بقي زي الخميس .. كل يوم زي التاني مش لاقي حاجة اعملها غير شوية اكل و فرجة علي مواقع التواصل الاجتماعي.. و كده بقي العمر بيجري مني و انا اللي كنت باضيعه من غير رسالة حب و خدمة تدي حياتي معني ..

٨-سقطت اسطورة "العلم " اللي كان فاكر نفسه يقدر علي كل شيء ، بقي واقف عاجز قدام حته فيروس .. و العلماء اللي ياما شككوا في الله و كلامه ، و كسروا وصاياه و كفروا بيه و اتحدوا نظامه و خدموا الأخلاق، بقوا بيدعوه يعلمهم و يلهمهم المخرج من هذا الجحيم ..

٩-سقطت اسطورة "التأمين" .. ايه اللي بيأمن مستقبلك و مستقبل ولادك و بلادك ؟؟ مفيش غير ستر الله و حمايته ، و مفيش بلد محمية اكتر من غيرها ، و مفيش حته تهرب لها ، ده حتي السفر مش موجود ..

١٠-سقطت اسطورة "الدول العظمي" .. لا باسبورات امريكا و لا كندا و لا اوروبا نافعة ، و الطب و الحماية عندهم بقت اقل من عندنا ، و الشغل و المستقبل المشرق راح من عندهم و تساوت كل البلاد، كبير و صغير .. كورونا صدقوني ح تخلص و اقرب مما تظنوا.. لكن اوعي ترجع تاني بعد ما تخلص تصدق اساطير الدنيا اللي ضحكت بيها عليك و شغلت قلبك عن الله و حبه و خدمته و سماه و ابديته.. الخير و النور قادم و بقوة.. اوعوا تخافوا....... و نقطة يعني فولوستوب