ابناء ياسمين عبد العزيز، فاجئت ياسمين ابنة الفنانة ياسمين عبد العزيز، والدتها على الهواء من خلال اتصال تليفوني ببرنامج "صاحبة السعادة" الذي تقدمه إسعاد يونس بقناة "دي ام سي".

حياة ياسمين عبد العزيز في البيت

وقالت ابنة ياسمين عبد العزيز:"بيقولوا إني اشبه ماما في حاجات كتير بس مفيش زي ماما، وأمي هي نفس الشخصية اللي بتظهر بيها علي التليفزيون بكل الضحك واللذاذة وكل العنف وكل شئ"، لترد الفنانة:"حياتي انتي".

مشاجرة ياسمين عبد العزيز ونجلتها

وتابعت:" أنا وياسمين عبد العزيز بنتخانق زي الأخوات، واكتر مشكلة عندنا اللبس والشنط والجزم والموضوع بيقلب خناقات، وانا بدخل اخد حاجات من لبسها"، لتعلق الفنانة:"علطول مقلبة لبسي وفجأة الاقي حاجات لسه جايباها واخداها".

مقالب ياسمين عبد العزيز وابنائها

وأكملت:"ماما معانا في المقالب أنا وسيف اخويا، وهي دايما بتشاركنا كل حاجة اللي فيها هزار والجد وكل شئ".

 

ياسمين عبد العزيز تتواصل مع ابنها علي الهواء

واتصلت ياسمين عبد العزيز، علي الهواء بابنها سيف، قائلة:"هتبقى لايف ومتقولش لأ هي هتسألك عن حاجات عن ماما بس متفضحنيش".

بلاي ستيشن وكرة ياسمين عبد العزيز

وقال سيف ابن ياسمين عبد العزيز:"انا كويس وداخل جامد الحمد لله، ماما بتلعب معايا كرة في جنينة البيت، ودايما بقعد معاها واحكيلها اللي بيحصل معايا في المدرسة ومش دايما بعمل شقاوة بس لما بعمل حاجة بقولها، وفي مرة لعبنا بلاي ستيشن بس هي مش احسن حاجة".