كشفت التحقيقات فى واقعة إحالة مدرب اسكواش بأحد النوادي الرياضية إلى محكمة الجنايات، لهتكه عرض 3 فتيات بالقوة والتهديد، بمباغتتهن وملامسة مواطن عفتهن وهن لم يبلغن 18 سنة ميلادية عن قيام المتهم بالتحرش بطالبة بالصف الثالث الثانوي أن المدرب المتهم تحرش بها أكثر من مرة خلال التمرينات.
وتابعت الطفلة المجنى عليها : المدرب المتهم اتصل بوالدتى بسبب قرب ميعاد البطولة وبيبلغها أن في جيم في مجمع شهير، وأن میعاده الساعة ۸:۳۰ م ولما وصلت عرفت أنهم بدأوا بدري، وأنهم قربوا يخلصوا وفعلا لعبت الجيم، ولما خلصت لقيته بيقولي أستناه علشان البطولة قربت وعايز يتكلم معايا برضه، ماما كانت مستنياني في العربية، وكنت همشي مع الناس اللي كنت بلعب معاها لقيته قرصني جامد، وقالي أنه عايزني وأول ما الناس مشیت قام شددني من شعري ووقعني على الأرض وفضل يضربني على الأرض، وبیکتم نفسي كل شوية وقام بالتحرش بى فى أماكن حساسة ونزع عنى ملابسى وعورني وهددني زي كل مرة، ويقولي أنه هيفضحي لو اتكلمت وهيسوء سمعتي، وأنا مشيت زي كل مرة وكنت واخدة القرار أني مروحش تاني خالص. وأشارت الطفلة المجنى عليها في التحقيقات : كنت في نادي الشمس علشان العب جيم مع واحدة من الفريق وماما كانت معايا وأثناء الجيم كان بيقولي أني بلعب وحش وأني متوترة ومن كتر التوتر اللي هو سببهولي أنا خسرت الجيم واتخانقت مع ماما وسابت الملعب وراحت استنتي في العربية والكلام ده كان حوالي الساعة 11 بليل وهو ساعتها طلب مني أن أغير هدومي علشان مبردش، ولما جيت أروح الحمام قالي أنه مقفول وأصر أنه مقفول وأني أروح أغير هدومي في أوضة بجوار الملعب بيحطوا فيها الكراكيب، وأنا صدقته وفعلا اتجهت ودخلت الأوضة وحطيت الكراكيب ورا الباب لأني كنت حاسة أن في حاجة غلط هتحصل ولبست تی شرتين فوق بعض وطلعت علطول، ولما طلعت طلب مني أعمل استرتشات علشان متمزقش، ولما قعدت على الأرض علشان أعمل الاسترتشات جه قعد ورايا، وفجأة لقيته مسكني فأنا اتخضيت وتحرش بى وزقيت إيده وجريت في الملعب ولكنه لم يتركني وطاردنى وشدني وفضل يضحك ويقولي انا معملتش حاجة ولوي إيدي وهددني، وقالى لو قلت لمامتك مش هيحصلك كويس، وأن مامتك مش هتنفعك وأنها لو عرفت هتضربك لأنها بتثق في وشتمني وقالي أنه محدش هيصدقنى علشان هو سمعته كويسة ومرة واحدة وهو بيتكلم لقيته شدي جامد وحضني فقمت دفعاه ورحت العربية لماما ومشينا وکنت خايفة جدا أني أتكلم في اللي حصل بسبب تهديده ليا، وانقطعت عن التمرين فترة كبيرة وكنت يتحجج أني مصابة و تعبانة.
وتلقت النيابة العامة كتابًا من المجلس القومي للمرأة يتضمن إبلاغ الفتيات الثلاث، عن هتك المدرب المذكور عرضهن والتحرش بهن بأماكن مختلفة، وشهدن بتحقيقات النيابة العامة بما ارتكبه المتهم قبلهن من أفعال، وأنه تعدى على إحداهن بالضرب، وكمم فاهها للحيلولة دون مقاومتها أثناء تعديه عليها، وهددها بالتشهير بها إذا ما أخبرت ذويها بما فعل، فامتثلت لتهديده، وأنهن آثرن عدم الإبلاغ عنه خجلا مما تعرضن له في أول الأمر، ثم قدمن ببلاغهن لاحقًا بعد أن ذاع أمره بمواقع التواصل الاجتماعي المختلفة.