قال المهندس أيسم صلاح، مستشار وزيرة الصحة لتكنولوجيا المعلومات، إن عدد مراكز تقديم اللقاحات تتجاوز 400 مركز على مستوى الجمهورية، وكل مركز له قائمة انتظار خاصة به، «لو واحد مقدم في الشروق مينفعش يجيله التطعيم في مدينة 6 أكتوبر، ولازم ياخده في المكان اللي هو مختاره».

وأضاف «صلاح»، خلال لقاء ببرنامج «من مصر»، المذاع على شاشة قناة «cbc»، ويقدمه الإعلاميان عمرو خليل وريهام إبراهيم، أنه توجد قائمة انتظار في القاهرة الجديدة تقترب من 50 ألف شخص لتلقي اللقاح، ما يعني أن آخر شخص من هذه القائمة سيأخذ اللقاح بعد 6 أشهر، وقائمة الانتظار في مصر الجديدة 37 ألفا، ومدينة نصر 26 ألفا، والمهندسين 35 ألف شخص، مرجعا هذا الإقبال في هذه المناطق بالوعي وسهولة التعامل مع التكنولوجيا، ولكن تم تقسيم هذه المناطق من خلال زيادة أعداد مراكز التطعيم لتقليل قوائم الانتظار.

وتابع: «التطعيم مش بأسبقية الحجز والتسجيل، ولكن بخطورة الحالة الصحية، داخل المركز فيه ترتيب وفيه ناس كتيرة مسجلة، اللي عنده أمراض أكتر حتى لو لسه مسجل إمبارح هو أولى أنه ياخد التطعيم من الشخص اللي معندهوش أمراض أو عنده مرض واحد ومسجل بقاله شهرين».

وأشار إلى أن تحديد نوع اللقاح المناسب للشخص، هو قرار طبي بحت يملكه الطبيب، «لما تجيلك الرسالة وتروح مركز التطعيم، أول حد بتعدي عليه هو مدخل البيانات، ويعمل سكان للبطاقة ويلاقي الريكورد بتاعك موجود، وبعد كده يروح لغرفة الموافقة المستنيرة، ويكون بها طبيب يتكلم عن اللقاح، ويسأل شوية أسئلة وبناء عليها يحدد سينوفارم أو استرازينيكا».