نشر مغني المهرجانات عنبة عبر حسابه الشخصي على موقع الصور الشهير “انستجرام” مقطع فيديو قصير تحدث فيه عن أزمة مغني المهرجانات عصام صاصا الأخيرة، وذلك بعدما دهس شاب أعلى الطريق الدائري بالجيزة، وتسبب في وفاته على إثر الحادث.

عنبة يعلق على حادث عصام صاصا

وقال عنبة في الفيديو: “أول حاجة إنا لله وإنا إليه راجعون، أنا طالع بقدم خالص التعازي لأسرة ضحية حادث عصام صاصا ربنا يرحمه ويصبركم.. أنا حاسس بيكم لأن بنت عمي ماتت من 4 سنين أو أكتر وهي في زهرة شبابها وهي بتعدي برضه العربية خبطتها وجريت محدش وقف ليها”.

حادث عصام صاصا

وأردف: “أنا عارف إن مفيش فلوس في الدنيا هتعوض ابنكم ورسالتي لأهل الضحية أنا مش بلومكم في حاجة ربنا يصبركم موقف صعب أنتم مدمرين نفسيًا هنا وهو مدمر نفسيا.. بس اللي عايزه أقوله هو مش بيخبط أي حد ومش بيدوس على الناس بفلوسه”.

واختتم قائلا: “بلاش حد يفهمكم حاجة عن الراجل اللي أنتم مش شايفين حالته بسبب الحادثة دي، الله يرحم الشخص اللي مات، الناس اللي على النت طالعين بس عاملين ينتقدوا فيه ومحدش مهتم يدعي للراجل، وده اسمه استغلال وتريند أبوس أيديكم يا تعزوا الناس لتسكتوا أفضل”.