مرتضى منصور يرفض عرضًا خليجيًا بـ2 مليون دولار للدفاع عن الشاب المصفوع: فيه حملة ممنهجة على عمرو دياب| بث مباشر
كشف المستشار مرتضى منصور، رئيس نادي الزمالك السابق، تفاصيل عرض خليجي قيمته 2 مليون دولار للدفاع عن الشاب المصفوع من الفنان عمرو دياب، والذي يدعى سعد أسامة.
مرتضى منصور: دي حملة ممنهجة على عمرو دياب
وقال مرتضى منصور: أنا متربطنيش بـ عمرو دياب علاقة شخصية، بس تواصل معايا شخص سعودي وعرض عليا مبلغ 2 مليون دولار مقابل أترافع عن الشاب سعد أسامة.. هو سأل الناس مين أشهر محامي في مصر قالوله مرتضى منصور أشهر محامي في مصر.. دي حملة ممنهجة على عمرو دياب.
وواصل مرتضى منصور: عمرو دياب أخطأ لأن رد فعله كان سريع وعنيف.. عمرو دياب كان في الفندق لأنه معزوم في الفرح ورايح يغني، إنما اللي اسمه سعد إيه اللي جابه الفرح؟! وإذا كان معزوم في الفرح إيه اللي طلعه المسرح؟!
واستكمل مرتضى منصور، بأن الشاب سعد أسامة أخطأ عندما أمسك بالفنان عمرو دياب على المسرح، موضحا أن المطرب كان يؤدي عمله، وأن الشاب أخطأ عندما طلب منه التصوير خلال أدائه عمله، مضيفا: عايز تتصور معايا متمسكنيش من أماكن حساسة.
