في أول تعليق من الفنان حسام حبيب على تسريب رسائله الصوتية بشأن أزمة حسابات شيرين عبد الوهاب، وانتشار “فويسات” له يتهم فيها شقيق الفنانة شيرين عبد الوهاب، ببيع حساباتها على السوشيال ميديا.. وفي تصريحات لـ برنامج ET بالعربي، قال حسام حبيب: الفويسات المنتشرة ليا دي متاخدة من تليفوني وأنا مصرحتش بالكلام ده، وأنا هقدم بلاغ للنائب العام ضد اللي سرقهم، ودي جريمة يعاقب عليها القانون، وأي حد هينشر كلام أنا مصرحتش بيه هعمل ضده بلاغ وأنا بحذر اللي هينشر.

شقيق شيرين وقع توكيلا بأثر رجعي

وتابع حسام حبيب أن حديثه عما فعله شقيق الفنانة شيرين عبد الوهاب حقيقي، مؤكدا أن الفنانة قدمت بلاغا في هذا الشأن، قائلا: أما الموضوع اللي في الفويسات إن أخوها مضى توكيل بأثر رجعي وإنه يتنازل عن السوشيال ميديا الخاصة بشيرين عبد الوهاب دون علمها، في بلاغ شيرين قدمته عن طريق ياسر قنطوش بتقول فيه نفس الكلام اللي قولته.

وأضاف حسام حبيب: أنا مبقولش كلام مرسل، والبلاغ بيقول نفس الكلام ده، والمفروض إن الناس بدل ما تهاجم تفهم مين السبب في إن شيرين مش عارفة تتواصل مع جمهورها ولا عارفة تنزل أغاني جديدة وهما اللي تسببوا في مشاكل كبيرة جدا بينها وبين شركة الإنتاج بتاعتها.

وتابع حسام حبيب: سبحان الله أنا مقصدش إني أقول أي حاجة لأي حد، ولا أصرح بالكلام ده، أنا بتكلم مع حد في محادثة خاصة على تليفون وحد خدها وسربها وده شئ غير أخلاقي وأي حد يتداوله هيبقى نفس الموضوع، إنما المحتوى بتاع الفويسات صحيح.

حسام حبيب يهنئ شيرين بخطبتها

على الجانب الآخر، هنأ حسام حبيب شيرين عبد الوهاب بخطوبتها، وقال في رسالة صوتية لبرنامج Et: “ألف مبروك، وبتمنى لك أحلى حاجة في الدنيا، وسعادة، وانا بجد سعيد علشان العشرة، والصداقة هي اللي بتدوم، وبتمنى لك الرضا والسعادة وكل حاجة من نجاح وتفضل كدة كل حاجة في الدنيا”.

وتابع أنه قرر عمل أغنية خاصة لشيرين عبد الوهاب وخطيبها، بألبومه الجديد، المقرر طرحه الأيام المقبلة، "لأن خطيبها رجل محترم جدا جدا، وبحترمه جدا".

وكانت شيرين عبد الوهاب، أعلنت أنها احتفلت بخطوبتها منذ أيام على رجل أعمال من خارج الوسط الفني.

وأكدت أن خطيبها لا يريد الإفصاح عن هويته، وهي تحترم ذلك الأمر، مشيرة إلى أنها ستحتفل بعقد قرانها قريبًا.