علق المطرب تامر عاشور عبر حسابه الشخصي على موقع التغريدات الشهير “إكس” على الأزمة الأخيرة للفنانة شيرين عبد الوهاب، بعد انتشار تسريب صوتي للفنان حسام حبيب يتحدث خلاله عن معاناة شيرين من استغلال أهلها.

تامر عاشور يعلق على أزمة شيرين عبد الوهاب

وكتب تامر عاشور قائلا: “كل اللي اقدر اقوله في موضوع شيرين عبد الوهاب ان مفيش كلمة واحدة بس من اللي اتقالت وانتشرت صح، أنا قريب من أهل شيرين ووالدتها وأخوها.. انا برضه اقول لها إننى بحبها وكل الدنيا بتحبها وتحب فنها”.

وأضاف: “أهل شيرين مظهروش في حياتها آخر سنتين تلاتة اهل شيرين هم اهل شيرين من زمان كل نجاحات شيرين كانت وسط اهلها وناسها اللي يشيلوها من ع الأرض شيل.. يارب يبعد عنها كل خبيث وأناني وفاشل وممثل”.

أزمة شيرين عبد الوهاب

وتابع: “هي أطيب منهم كلهم وهم اللي وقعوها فكل مشاكلها انت بمن حولك لو اللي حواليك فشله غصب عنك لازم تبقى زيهم وتعافر علشان تقدر تمارس اللي كنت بتعمله في عدم وجودهم بمنتهى السهولة”.

واختتم المطرب تامر عاشور قائلا: “انا أكلت عيش وملح في بيتها وفي بيت امها واخوها وكان لازم اقول الكلام ده علشان الكلام ده هو الكلام الحقيقي، ولا كلمة من اللي اتقالت واتسمعت لها أساس من الصحة.. اهل شيرين هم هم اهل شيرين من زمان قوي.. بالعقل”.