فاجأت الفنانة نهى العمروسي، جمهورها بتصريحاتها عن مدى اقتناعها بفرضية الحجاب في الإسلام.

في هذا السياق قالت نهى العمروسي: "الحجاب أجندة، الحجاب مش فرض، اديني آية بتقول إنه فرض، إيه اللي بيقول أن الشعر عورة؟، ومتكلمنيش في الدين وأنا مش متخصصة ممكن أقول حاجة غلط، يا جماعة ممكن أغلط لكن دي قناعاتي ولا عمري هتحجب لأني مش مقتنعة بيه خالص"، حسب تصريحاتها في برنامج "قعدة ستات".

وتحدثت نهى العمروسي عن الأديان قائلة: "أنا مابحبش التقسيم، أنا اتولدت مُسلمة كلنا بنتولد على دين أبهاتنا، لكن أنا مش عايزة أحس إني أحسن من المسيحي أو اليهودي أو البوذي أو الهندوسي، فكرة التقسيم دي بتعمل مشاكل بين الناس، اللي هو أنا أحسن منك، أنت دينك أي كلام، أنا بحب الوحدانية، يعني كلنا زي بعض ومش بحب التقسيم".

وتابعت في تصريحاتها: "إحنا كلنا واحد، اتسألت قبل كده أنا مُسلمة ولا مش مُسلمة، جاوبت: أنا مسَلّمة يعني مُسلمة".

يذكر أن نهى العمروسي غائبة عن الأعمال الفنية منذ سنوات، كانت آخر أعمالها مسلسل "الخانكة" عام 2016، وشاركت في بطولته مع غادة عبد الرازق.