الرأي العام
رئيس مجلس الإدارةد. تامر قبودانرئيس التحريرخالد طاحونمدير التحريريوسف قبودانرئيس مجلس الإدارةد. تامر قبودانرئيس التحريرخالد طاحونمدير التحريريوسف قبودان
الكويت تطالب رعاياها بمغادرة لبنان في أقرب وقت ممكنالبطيخ يساعد على مكافحة السرطان والسكتة الدماغيةالجيش الإسرائيلي يستعد لاتخاذ قرار بشأن عملية رفح الفلسطينية والقتال...توقعات برج الحمل اليوم السبت 22 يونيو 2024توقعات برج العذراء اليوم السبت 22 يونيو.. لقاء رومانسى غير...توقعات برج العقرب اليوم السبت 22 يونيو 2024.. تحديات غير...توقعات برج القوس اليوم السبت 22 يونيو2024.. تحقيق مكاسب غير...توقعات برج الميزان اليوم السبت 22 يونيو 2024.. لقاء غير...توقعات برج الثور اليوم السبت 22 يونيو 2024الزمالك يقرر الانسحاب من الدوري.. تعرف على التفاصيل الكاملةالزمالك: لن نخوض أى مباريات أخرى إلا بعد انتهاء الدور...اليوم، استئناف امتحانات الثانوية العامة بعد انتهاء إجازة العيد بمادة...
حوادث

نجل وزير الصحة الأسبق في التحقيقات: صاحبي خطفني لما ساعدته وعرف إن غني| خاص

وزير الصحة الأسبق الدكتور حاتم الجبلي
وزير الصحة الأسبق الدكتور حاتم الجبلي

كشفت التحقيقات في واقعة خطف عمر حاتم مصطفى نجل وزير الصحة الأسبق الدكتور حاتم الجبلي في 17 سبتمبر 2023 بدائرة أول أكتوبر، تفاصيل خطفه بالتحايل والإكراه، إذ إنه على إثر وجود علاقة صداقة بين المجني عليه والمتهم الأول تيقن الأخير بأنه ميسور الحال، أقام وباقي المتهمين تشكيلًا عصابيًا مكونًا من 10 أشخاص لخطفه.

واقعة خطف عمر الدكتور حاتم الجبلي نجل وزير الصحة الأسبق

وحصل الرأى العام على نص التحقيقات في واقعة خطف عمر حاتم مصطفى نجل وزير الصحة الأسبق، في القضية رقم 11917 لسنة 2023، والمقيدة برقم 2233 لسنة 2023 كلي أكتوبر.

وجاءت أقوال المجني عليه نجل وزير الصحة الأسبق كالآتي: اللي حصل إن أنا بشتغل دكتور وعضو منتدب لشركة تحاليل طبية، ومن نحو سنتين كنت بدور على إنستجرام على مدرب خاص جيم عشان يدربني في البيت وساعتها دورت بشكل عشوائي على مدرب خاص وجت قدامي صفحة محمد حمدي لبيب ودي كانت أول مرة أعرفه، فبعتله رسالة على صفحته وساعتها رد على رسالتي واداني رقم تليفونه وهو كمان أخد رقم تليفوني وبدأنا نتواصل مع بعض عشان نتفق على مواعيد التدريب.

وأردف نجل وزير الصحة الأسبق بالتحقيقات: فضلت علاقة صداقة بيني وبين محمد لبيب وكنا بنتكلم مع بعض وأسال عليه ويسأل عليا وساعات كنا بنتقابل ونقعد نتكلم شوية لحد لما في أول سنة 2023 بنت محمد لبيب تعبت جامد وكان عندها التهاب في اللوز، وكان ليه مضاعفات جسدية بيأثر على حركتها وساعتها لاقيت محمد لبيب بيكلمني وطلب مني أساعده وأشوفله دكتور.

وأكمل نجل وزير الصحة الأسبق: أنا فعلا ساعدته ووصلته بدكتور في المهندسين والدكتور ده قال إن بنت محمد لبيب هتحتاج تعمل عملية والعملية دي هتكلف 10 آلاف جنيه، أنا كطبيب عارف إن العملية دي لازم تتعمل في أسرع وقت قبل ما يحدث مضاعفات أكثر للبنت وأنا ساعتها من نفسي اتكفلت تماما بمبلغ العملية.

وأضاف نجل وزير الصحة الأسبق قائلا: بعدين لاقيت ليب بيقولي إن هو بيدور على شغل عشان ظروفه المادية من أحسن حاجة وطلب مني أشوفله شغل عندي عشان أنا بشتغل طبيب في شركة وعضو منتدب فيها، وساعتها قولتله طب أنا هشوف الظروف كدة وأرد عليك، وبعدين فضلنا في خلال الأسبوعين اللي فاتوا كان هو كل شوية يتصل بيا عشان نتقابل ونتكلم في موضوع الشغل بس مكناش بنعرف نظبط مواعيدنا لحد يوم السبت 2023/9/16 لاقيت محمد لبيب بيتصل بيا على المغرب.

وأشار: اتفقت معاه نتقابل عندي في البيت في بالم هيلز، وقولتله أنا مستنيك في البيت على الساعة 9.30 وفعلا جه في الميعاد ووصل وأنا نزلت أجيبه من على الطريق الرئيسي وركب معايا العربية ودخلنا الكمبوند وطلعنا البيت وفضلنا نتكلم وندردش مع بعض وكلام عادي جدا.

واستمر نجل وزير الصحة الأسبق في سرد الحادثة بالتحقيقات قائلا: قبل الفجر نزلت مع محمد لبيب عشان أوصله لأقرب مكان يطلب منه أوبر ونزلنا ركبنا عربيتي ومشينا شوية حوالي 30 متر، ولقيت محمد لبيب بيطلب مني إنه يسوق العربية فقلت ماشي وخليته يسوق ونزلنا بدلنا الأماكن وساق هو عربيتي وأنا كنت راكب في الكرسي اللي جنبه على اليمين وفضلنا ماشيين لحد لما لاقيت محمد لبيب بيقولي ما تيجي توصلني المهندسين فقولتله لا أنا مش قادر فراح ركن علي جنب وكنا ساعتها عند مدينة الخمايل.

وأكد نجل وزير الصحة الأسبق على واقعة خطفه بالاتفاق مع صديقه قائلا: أول لما ركن العربية لمحت في المراية عربية سيراتو سودة مظلمة الأنوار وقفت ورانا ونزل منها 3 أشخاص ولاقيتهم جايين علينا وراحو فتحوا باب العربية ولاقيتهم لابسين كمامات طبية سودة على وشهم وكان في واحد منهم ماسك سكينة صغيرة وبدأو يشدوني أنا ومحمد لبيب فـ أنا بدأت أقاوم وأنادي على محمد عشان يلحقني فراح واحد منهم قالي اسكت بدل ما أعورك وراحوا مركبني في الكنبة اللي ورا بتاعت عربيتي وواحد منهم ركب على يميني ومحمد ركبوه جنبي على الشمال وواحد ساق العربية وطلع بيها والأخير كان راكب قدام على اليمين وطلعوا بيا شوية ودخلوا من ورا مدينة الخمايل وبعدين محمد لبيب قالهم أنا متصاب نزلوني فراحوا ركنوا علطول ونزلوه ومن هنا عرفت إن محمد لبيب معاهم وإنه كان بيمثل إنه مخطوف وبعدين لاقيتهم غموا عيني بـ إيشارب.

وكانت قررت الدائرة 36 بمحكمة جنايات الجيزة، المنعقدة في زينهم،  الاثنين، تأجيل محاكمة 10 متهمين في القضية المعروفة إعلاميًا بـ خطف نجل وزير الصحة الأسبق لجلسة 26 مايو.

عمر حاتم مصطفى وزير الصحة نجل وزير الصحة نجل وزير الصحة الأسبق حاتم مصطفى وزير الصحة

حوادث