الرأي العام
رئيس مجلس الإدارةد. تامر قبودانرئيس التحريرخالد طاحونمدير التحريريوسف قبودانرئيس مجلس الإدارةد. تامر قبودانرئيس التحريرخالد طاحونمدير التحريريوسف قبودان
سامر شقير: رقمنة تأجير السيارات تُعيد رسم خريطة الاستثمار في...سامر شقير: خسائر النحاس تكشف اختبارًا جديدًا لاستثمارات الذكاء الاصطناعي...سامر شقير يكتب: الذكاء الاصطناعي يُعيد تشكيل اقتصاد الرفاهية الرقميةسامر شقير يكتب: 70% من ملكية إنفيديا للمؤسسات.. ماذا يعني...سامر شقير يكتب: الذكاء الاصطناعي لا يحمي الأسهم من الخسائرسامر شقير يكتب: نهاية رهان سايبرتراك وبداية عصر الروبوتاكسيسامر شقير يكتب: قيود الغاز تختبر تنافسية الصناعة المصريةسامر شقير يكتب: قناة السويس تعود إلى قلب التجارة العالميةسامر شقير يكتب: هل تُهدد الشبهات الاستخباراتية عرش جنسن هوانغ...سامر شقير: انهيار ويل يكشف موت الولاء المؤسسي ويعيد تعريف...سامر شقير يكتب: مليارات الطاقة تختبر حكمة المستثمرينسامر شقير يكتب: التضخم العنيد يُعيد تسعير الأصول العالمية
فن وثقافة

أحمد سعد عن طلاق علياء بسيوني: جاهدت ولو كملت هبقى أناني.. ومش عايز أتجوز تاني

أحمد سعد
أحمد سعد

تحدث الفنان أحمد سعد، عن تطليقه زوجته الرابعة علياء بسيوني، مؤكدًا أنها كانت من أهم الأسباب بل والمحرك الرئيسي لـ نجاحه خلال الفترة الماضية.

وقال أحمد سعد، في حواره مع الإعلامي محمود سعد، في برنامجه Sold Out: علياء لغاية دلوقتي هي الزوجة الرابعة، بس أنا تمام كده مش عايز أتجوز تاني، علياء إدتني كل التغيير في حياتي، والست هي المحرك الرئيسي للراجل، وأي راجل كان عظيم كانت الست هي الدافع ليه، وأي راجل فاشل الست هي اللي خلته فاشل، وده من تجربتي في الحياة أنا فاتح مكتب تجارب.

وتابع أحمد سعد: علياء ست لا تكل ولا تمل، هي لو شايفة إن ده الصح هتقولك لازم تعمله، والست عندها قدرة مهولة في الزن، هي عندها هدف هتعمله يعني هتعمله، والقدرة دي لو اتحولت لـ إيجابيات في الزن على الراجل، أنا في الأول لما كنت بسمع منها كنت بقولها أنا عارف أنا بعمل إيه سيبيني أقرر، هي عندها صبر مهول وموجود عند كل الستات، وساعات بيكون استخدامه في النكد، أنا فيا حتة حلوة أني بعرف أختار الشخص اللي أسند عليه وأسلم له دماغي، أنا شايف إن هو اللي بيقرر كل حاجة ولكن أنا اللي مقرر إن هو يقرر لي، وشوفت نتيجة نجاحنا مع بعض.

سبب طلاق أحمد سعد وعلياء بسيوني

وأضاف أحمد سعد، عن سبب طلاقه لعلياء بسيوني: لكن اللي حصل بعد كده بدأ الشغل ياخد من حياتنا الأسرية، وهي شخص مجتهد ومحترم جدًا، وعملت أغنية بعتذرلك لـ بنتي والموضوع ده مكنش له علاقة أوي بالطلاق، بعتذرلها لأني مش معاها، قعدت مرة واتنين وألف أجاهد على حياتنا الشخصية والأسرية، ولو أنا أناني كنت كملت، لأن أنا الوحيد اللي مستفيد.

فن
⇧

فن وثقافة