قال أحمد سالم المتحدث الرسمي لـ نادي الزمالك، إن محمود كهربا لاعب النادي الأهلي، يثير حالة كبيرة من الجدل والاحتقان بين الزمالك والأهلي خاصة في ظل العلاقة الطيبة بين الناديين حاليا.

تصريحات أحمد سالم متحدث نادي الزمالك

وقال أحمد سالم في تصريحات تلفزيونية: مشكلة جمهور الزمالك مع كهربا، إن خد قراره بالهروب في وقت من الأوقات وسافر برة ورجع لعب للأهلي ودفع ثمن هذا التصرف ودفع الغرامة في الآخر.

وأضاف متحدث الزمالك: والحالة الطيبة بين الزمالك والأهلي حاليا كان لازم كهربا يسكت، كهربا قبل كده مع سيف زاهر من 5 سنين تقريبا ظهر وقال أنا جددت مع الزمالك 5 مواسم، وطلع في إحدى اللقاءات مؤخرا وقال عقدي مع الزمالك كان مزور، طب نصدق كهربا مين فيهم.

واستكمل: اللي مزعل الجمهور إنك بتسيء ليهم، التجارة بمشاعر الجماهير بطلت خلاص، لاعب زي أحمد حمدي اتكلم من كام يوم بشياكة في تصريحاته، ولما اتسأل عن الأهلي اتكلم بطريقة محترمة، هي دي الفكرة ممكن تتكلم من غير ما تثير الجدل، مرة تتكلم في تزوير، مرة تتكلم على أسطورة النادي.

وواصل أحمد سالم موجهًا حديثه لكهربا: بتطلع تتكلم عن زمايلك، كأنك المحامي بتاعهم ومتبنيهم، طب أتنبى نفسك الأول، وأنت مش هاتستفيد حاجة من استفزاز الجماهير، غير إنك بتعمل احتقان زيادة.

واختتم أحمد سالم متحدث نادي الزمالك تصريحاته قائلا: على سبيل المثال جمهور الزمالك بيحب قفشة وتعليقات جمهور الزمالك عليه إنه محترم وابن بلد، هي دي الشطارة، لكن شغل الاستفزاز ده بلدي أوي، لكن أنت لاعب دولي ولابس تيشرت نادي كبير، وكنت في نادي كبير قبل كده، ودايما بتحاول تتكلم عن الزمالك بإستفزاز، أتمنى يبقى فيه إجراء ونبطل إستفزاز، لا تضمن أو تأمن تصرف الجمهور، الجمهور ده فيه كل الشرائح، لما أنت توصل الجمهور لـ احتقانات معينة، لو حس إنك جاي عليه ممكن يزعلك أوي أوي.